فیصل آباد میں فیسکو کے واجبات کی عدم ادائیگی پر سرکاری ادارے بڑے ڈیفالٹر نکلے، فیسکو حکام کے مطابق دس سے زائد سرکاری ادارے واجبات ادا نہ کر کے کمپنی کے مقروض ہیں، جن میں واسا سر فہرست ہے

فیسکو حکام کے مطابق واسا پر ساٹھ کروڑ روپے، میونسپل کارپوریشن پر ڈیڑھ کروڑ روپے، محکمہ صحت پر ایک کروڑ روپے، محکمہ ریلوے پر بیس لاکھ روپے جبکہ محکمہ پولیس پر ایک کروڑ روپے سے زائد کے بل واجب الادا ہیں۔
حکام نے واضح کیا ہے کہ ڈیفالٹر اداروں کو فائنل نوٹس بھیج دیا گیا ہے اور دس دن کے اندر واجبات ادا نہ ہونے کی صورت میں کنیکشن منقطع کر دیے جائیں گے۔ کسی ادارے کو رعایت نہیں دی جائے گی