ٹرمپ مذاکرات کی میز کو ہتھیار ڈالنے میں تبدیل کرنا چاہتے ہیں ، دھمکیوں کیساتھ بات چیت قبول نہیں ، ایرانی اسپیکر میدان جنگ میں نئے پتے دکھانے کیلئے خود کو تیار کر لیا ، باقر قالیباف

سوشل میڈیا پر جاری پیغام میں باقر قالیباف نے کہا کہ ٹرمپ مذاکرات کی میز کو ہتھیار ڈالنے کی میز میں تبدیل کرنے کی کوشش کر رہے ہیں۔ان کا مزید کہنا تھا کہ آبنائے ہرمز کی ناکہ بندی اور جنگ بندی کی خلاف ورزی کرکے ٹرمپ خود فریبی کا شکار ہیں ، وہ سمجھتے ہیں کہ مذاکرات کی میز کو ہتھیار ڈالنے کی میز میں تبدیل کرلیں گے یا نئی جنگ جوئی کا جواز پیدا کر لیں گے،قالیباف نے واضح کیا کہ مذاکرات کی میز پر دباؤ کے حربہ سے نتائج نہیں ملتے، دو ہفتے کے دوران ایران نے میدان جنگ میں نئے پتے دکھانے کیلئے خود کو تیار کر لیا ہے۔